Gaio
Nome científico:
Garrulus glandarius (Linnaeus, 1758)
OUTROS NOMES:
Pega marza
NOME ESPAÑOL:
Arrendajo
Tipo:
Aves
HÁBITATS:
Bosques
Pastos
Infértiles
CORES:
Marrón, branco, negro, azul.
NÚMERO DE PATAS:
2
DESCRICIÓN:
Trátase dunha ave de tamaño medio cunha lonxitude que varía entre 32 e 35 cm, e cunha envergadura de ás que oscila entre 54 e 58 cm. A súa plumaxe é distintiva e chamativa, de cor alaranxada cun panel azul claro no prego das ás, especificamente nas plumas terciarias. Un rasgo distintivo cando voa é a súa rabadilla branca, que facilita a súa identificación.
Non presenta dimorfismo sexual.
HÁBITAT:
Prefire zonas con abundante vexetación e árbores. Pode atoparse en bosques caducifolios, mixtos ou de coníferas e en áreas con vexetación abondosa, sempre e cando haxa unha oferta suficiente de alimentos.
Aniña en árbores e tamén pode frecuentar zonas suburbanas e parques.
DISTRIBUCIÓN:
O Garrulus glandarius distribúese polo Paleártico, desde o norte de África ata Xapón, evitando a franxa boreal e rexións máis áridas ao sur da súa distribución.
En Galicia é común en todo o territorio.
ALIMENTACIÓN:
Este córvido de tamaño mediano e hábitos claramente forestais aliméntase tanto de invertebrados como de froitas e sementes.
COSTUMES
O Gaio é unha ave ruidosa, con reclamos característicos. Aínda que non moi sociable, móvese en pequenos grupos familiares. Ten a costume de enterrar unha parte das froitas que colle, como as landras, para consumilas en inverno. Contribúe así á expansión das masas forestais.
REPRODUCIÓN:
A época reprodutora comeza en abril. A parella constrúe un niño en forma de conca nunha árbore. A femia pon de catro a oito ovos de cor verdosa e incúbaos durante 16-18 días. Os polos nacen a finais de maio, son coidados por ambos proxenitores e abandonan o niño tras 19-23 días.
OUTROS DETALLES:
Recoñécese a existencia de tres subespecies no territorio español: lusitanicus, glandarius e fasciatus.
Como outros córvidos, ten unha capacidade de imitar sons, chegando a simular o do miñato para asustar aos intrusos.
CITADA NA SEGUINTES ENTRADAS DO BLOG